फ्लाइट मोडचा स्मार्ट वापर
फ्लाइट मोड (Airplane Mode) हा पर्याय जवळजवळ प्रत्येकाला माहिती आहे. पण बरेच लोक तो फक्त फ्लाइटमध्ये वापरण्यासाठीच आहे असे समजतात. खरं तर, फ्लाइट मोड हा केवळ विमान प्रवासापुरता मर्यादित नाही; आपल्या रोजच्या जीवनात त्याचा स्मार्ट वापर करून तुम्ही बॅटरी वाचवू शकता, नेटवर्क प्रॉब्लेम टाळू शकता, मुलांना सुरक्षितपणे मोबाईल वापरायला देऊ शकता, आणि तणाव कमी करू शकता.
चला तर मग जाणून घेऊया काही भन्नाट आणि उपयुक्त फ्लाइट मोड हॅक्स, जे तुम्ही कदाचित आधी ऐकलेच नसतील.
फ्लाइट मोड म्हणजे काय?
फ्लाइट मोड सुरू केल्यावर तुमचा फोन मोबाईल नेटवर्क, वाय-फाय, ब्लूटूथ, जीपीएस सिग्नल्स बंद करतो. म्हणजेच, फोन कोणत्याही नेटवर्कशी कनेक्ट होत नाही. मात्र, फोनवरील इतर फिचर्स जसे की कॅमेरा, गॅलरी, म्युझिक, ऑफलाइन ॲप्स तुम्ही वापरू शकता.
१. झोपताना फ्लाइट मोडचा वापर करा
रात्री झोपताना बऱ्याच जणांना फोनवर नोटिफिकेशन्स, कॉल्स किंवा मेसेजेसमुळे झोपमोड होते. फ्लाइट मोड सुरू केल्यास ना कॉल्स येतील, ना नोटिफिकेशनची पॉप-अप्स. झोपताना मोबाईलमधून निघणारे रेडिएशन कमी होते, ज्यामुळे झोप शांत आणि निरोगी होते.
२. बॅटरी वाचवण्यासाठी फ्लाइट मोड
कमी नेटवर्क असलेल्या ठिकाणी मोबाईल सतत सिग्नल शोधत राहतो, आणि त्यामुळे बॅटरी लवकर संपते. अशा वेळी फ्लाइट मोड सुरू केल्यास फोन नेटवर्क थांबवतो, त्यामुळे बॅटरी जास्त वेळ टिकते. विशेषत: प्रवासात असताना ही ट्रिक खूप उपयोगी ठरते.
३. इंटरनेटशिवाय मुलांना मोबाईल द्यायचा असेल तर
मुलांना खेळायला किंवा व्हिडिओ पाहायला फोन द्यायचा असेल, पण इंटरनेटवर जाऊ नये असं वाटत असेल तर फ्लाइट मोड सर्वोत्तम आहे.
फ्लाइट मोड सुरू करा आणि मग गेम्स किंवा डाउनलोड केलेले व्हिडिओ दाखवा. यामुळे मुलं सुरक्षित राहतात.
४. मोबाइल चार्जिंग जलद करण्यासाठी
तुम्हाला माहित आहे का, फ्लाइट मोड ऑन केल्यावर फोनची चार्जिंग स्पीड २०-२५% ने वाढते कारण त्या वेळेस मोबाईल नेटवर्क शोधत नाही.
विशेषतः घाईत असताना ही ट्रिक खूप कामाला येते.
५. सोशल मीडिया पासून थोडी सुट्टी घ्या
कधी कधी सततच्या नोटिफिकेशन्समुळे मन खूप विचलित होतं. अशा वेळी फ्लाइट मोड सुरू करून स्वतःला डिजिटल डिटॉक्स द्या. तुम्ही मोबाईलवरील कॅमेरा, म्युझिक, ऑफलाइन नोट्स वापरू शकता, पण इंटरनेटमुळे व्यत्यय येणार नाही.
९. प्रवासात नेटवर्क प्रॉब्लेम सोडवण्यासाठी
कधी कधी मोबाईलला नेटवर्क मिळत नाही. अशावेळी फ्लाइट मोड बंद-चालू (On-Off) केल्यास सिग्नल पटकन येते. ही ट्रिक जवळजवळ प्रत्येक वेळी काम करते.
७. Wi-Fi वापरताना हॅक
अनेकांना वाटतं फ्लाइट मोडमध्ये Wi-Fi वापरता येत नाही. पण खरं तर, फ्लाइट मोड सुरू केल्यानंतर तुम्ही Wi-Fi पुन्हा manually सुरू करू शकता. यामुळे कॉल्स व मेसेज बंद राहतात, पण इंटरनेट तुम्हाला मिळतं.
ऑनलाईन मीटिंग्स, स्टडी किंवा कंटेंट स्ट्रीमिंगसाठी ही ट्रिक खूप कामाला येते.
८. मुलाखतीदरम्यान किंवा महत्वाच्या मीटिंगमध्ये
तुम्हाला कॉल्सने त्रास नकोय, पण फोन पूर्ण बंद करायचा नाही, तर फ्लाइट मोड हा बेस्ट पर्याय आहे. फोन पूर्णपणे सायलेंट राहतो, पण नोट्स, डॉक्युमेंट्स, कॅलक्युलेटर वापरता येतो.
९. ऑफलाइन म्युझिक आणि गेम्ससाठी
फ्लाइट मोडमध्येही तुम्ही मोबाईलवर डाउनलोड केलेले गाणे, चित्रपट किंवा गेम्स वापरू शकता. यामुळे बॅटरी पण कमी खर्च होते आणि एकाग्रतेने मनोरंजनाचा आनंद घेता येतो.
फ्लाइट मोडबद्दल सामान्य गैरसमज
१. फ्लाइट मोड म्हणजे फोन पूर्णपणे बंद होतो – चुकीचं! फोन फक्त नेटवर्कपासून डिसकनेक्ट होतो.
२. फ्लाइट मोडमध्ये Wi-Fi वापरता येत नाही – चुकीचं! तुम्ही Wi-Fi manually सुरू करू शकता.
३. फ्लाइट मोडमध्ये मोबाईलचा उपयोगच होत नाही – चुकीचं! कॅमेरा, गॅलरी, गेम्स, नोट्स सगळं वापरता येतं.
फ्लाइट मोड हा केवळ विमान प्रवासासाठी नाही, तर रोजच्या जीवनात खूप उपयुक्त आहे. बॅटरी वाचवण्यापासून झोप सुधारण्यापर्यंत, मुलांच्या सेफ्टीपासून डिजिटल डिटॉक्सपर्यंत – या छोट्याशा फिचरचे फायदे प्रचंड आहेत.
जेव्हा तुम्हाला नेटवर्क प्रॉब्लेम, चार्जिंग, किंवा शांत वेळ हवी असेल, तेव्हा नक्कीच फ्लाइट मोड वापरून बघा.